*Ilog ng Kahapon*

*ni: Shirlyn A. lecaros*





*Kapaligiran ang siyang ating yaman, *

*Pinagkukunan ng ating kabuhayan*

*Mga isda, halaman at pinagkakakitaan*

*Ng mga mamamayan na dito ay naninirahan.*





*Halina't ating pagmasdan *

*Ilog na noo'y kay yuming tignan*

*Mga isdang dati'y naglalanguyan*

*Sa animo'y salamin at kristal na daluyan.*





*Ngunit anong nangyari sa ilog na biyaya?*

*Mga namumutawi sa isipan ng madla.*

*Ang naisi't yari ito ba ay sadya?*

*Nagdurusang tao'y kanya ring gawa.*





*Sa tao ma'y biyaya, siya ring pinsala*

*Datapwat nakatulong, sa aking hinala*

*Ilog ay gaganti rin buhat kay Bathala*

*Dahil bawat kayaman sa Kanya nagmula.*





*Sa isang bahagi kung ating nanaisin*

*Yaring nagawa'y pwede pang pawiin.*

*Itigil na ang gawaing karimarimarim*

*Pangangalaga sa ilog, ang oras ay gugulin.*





*Bagaman maaaring hindi na maibabalik*

*Ganda ng ilog sadyang nakakapanabik, *

*Atin pa ring itanim sa puso at isip,*

*Na ang katuparan ng mithii'y nagmumula sa panaginip.*