para sa senado, kongreso at palasyo

26 Agosto 2013

Para sa:   SENADO, KONGRESO at PALASYO

Tungkol sa: PORK BARREL ALISIN NGAYUN DIN!

Mula sa: HIGIT NA NAKARARAMING APEKTADO [We are the 99% (A)]

Isang nakakagutom at nakaka-tangang pagbati!

Mali pong ipagpalagay nyo na masamang hayup ang BABOY, nilikha ito ng bathala kasama ang iba pang mga hayup at organismo na inaruga ng inang kalikasan. Kakagatin ka ng pating o lalapain ng tigre hindi dahil sa sila ay sadyang masama, ito ang kanilang kalikasan. Ito ang kanilang natural na paraan.

Alam nyo po bang WALANG GINAWANG MASAMA ANG BABOY? Madumi”, “mabaho”, “makalat”, “matakaw” at iba pa. MGA NEGATIBONG KATANGIAN SA INYO RIN MAKIKITA.

Alam nyo po bang ang baboy ay MATAKAW ngunit hindi MAGNANAKAW?  Ang KATAKAWAN AY MAY HANGGANAN, BATAY SA LAKI NG IMBAKAN. SUBALIT ANG KAGUSTUHANG MAGNAKAW NG MGA PULITIKO AY WALANG KATAPUSAN DAHIL ANG KANILANG IMBAKAN AY BUTAS AT WALANG HANGGAN.  

WAGAS SILA SA PAGKA-GAHAMAN. Hangga’t nasa posisyon, may impluwensya at may nakikitang yaman, ang magnanakaw ay lalong ginaganahan at lalong nagiging magaling gumawa ng paraan.

P-NOY, SENADO AT KONGRESO, SA PAMAMAGITAN NG LIHAM NA ITO AY PINAPA-ALA-ALA NAMIN SA INYO NA KAMI ANG PINAGMUMULAN NG OTORIDAD NINYO. WALANG DAHILAN PARA HINDI KAYO SUMUNOD SA AMING MGA GUSTO, ANG ILAN AY MGA ITO:  

-          ALISIN ANG PORK BARREL ORA MISMO!

-          ALISIN ANG ANUMANG BUWIS SA LAHAT NG MGA BATAYANG PRODUKTO!

-          SINGILIN ANG MGA KORPORASYON SA PAGWASAK SA KALIKASAN AT PAGSIRA SA TAO!

-          ALISIN ANG MGA PREBLEHIYO NG MGA PULITIKO

-          SA PAGKAIN, PANGKALUSUGAN AT EDUKASYON ILAGAY ANG BUDGET NG GOBEYERNO!

-          SIGURUHING WALANG BATANG GUTOM AT NAGTA-TRABAHO

-          ANG BAWAT PAMILYA AY MAY TAHANANG MAKA-TAO

-          SA PAGDE-DESISYON ANG IIRAL ANG KAGUSTUHAN NG MGA TAO!